អ្នកនិពន្ធគ្មានឈ្មោះ

ថ្ងៃនេះ ខ្ញុំមានអារម្មណ៍ប្លែកៗ អាចនិយាយបានថា មិនធ្លាប់ជួបប្រទះអារម្មណ៍បែបនេះ។ ប្រហែលជាលើកទីមួយ ដែលខ្ញុំមានអារម្មណ៍បែបនេះ វាហាក់ដូចជាស្រពេចស្រពិល តែវត្ថុដែលនៅដើមទ្រូងខាងឆ្វេងនោះ បង្ហាញអារម្មណ៍ឈឺចាប់យ៉ាងខ្លាំង។

ខ្ញុំខុសទៀតហើយ​មែនទេ? គ្រាន់តែស្រឡាញ់គេ តើខ្ញុំខុសដែរឬ??

ណ្ហើយ…ឲ្យគ្រប់យ៉ាងទៅតាមដំណើរចុះ…

យប់នេះ ខ្ញុំ បងស្រី និង គេ គេងបន្ទប់ជាមួយគ្នា។​ មិនដឹងជាឆ្កួតអី ខ្ញុំស្រាប់តែមានអារម្មណ៍ថា ចង់ឲ្យបន្ទប់នេះមានពីរនាក់ គឺ ខ្ញុំនិងគេ។ តែអ្វីទាំងនោះគ្រាន់តែជាការគិត ស្រមើលស្រមៃរបស់ខ្ញុំ (ឆ្កួតម្នាក់ឯង)។ បើសិនជាគ្មានបងស្រីខ្ញុំ គេប្រហែលជាគ្មានវត្តមាននៅទីនេះដែរ (១០០ភាគរយ)។ ខ្ញុំបានត្រឹមតែគិត ស្រមៃ…អាចនិយាយថា គេជាមនុស្សតែម្នាក់ ដែលធ្វើឲ្យខ្ញុំមានអារម្មណ៍ប្លែក ទោះបីជាបេះដូងមិនលោតញាប់ តែវាប្រាប់ខ្ញុំថា វាកំពុងតែលោត។

បើនិយាយពីប្រុសដទៃវិញ ខ្ញុំគ្មានសូម្បីតែកូនចិត្តគិតផ្តេសផ្តាស តែជាមួយគេ បែរជាមានអារម្មណ៍ឆ្កួតៗ ទៅវិញ ចង់ឱប ចង់ថើប…តែមិនហ៊ាន បានត្រឹមតែលួចគិត និង លួចថើបម្តងៗ (បែបមុខក្រាស់)…ហាហាហា…

និយាយទៅ ថ្ងៃនេះច្របូកច្របល់អារម្មណ៍មែនទែន…ចិត្តមួយគិតពីគេ ឯចិត្តមួយគិតពីមនុស្សម្នាក់ទៀត (លី)។ ខ្ញុំគិតថា ខ្ញុំស្រឡាញ់លី តែពេលនៅក្បែរគេ (someone) រូបភាពលីត្រូវរលុបបាត់ពីក្នុងខួរក្បាលរបស់ខ្ញុំ។ នេះខ្ញុំកំពុងតែឆ្កួតទៀតហើយមែនទេ? វាគ្រាន់តែជាអារម្មណ៍ឆ្កួតមួយឆាវទេ មែនទេ? បើមែនជាការល្អណាស់…

បើសិនជាអាច ខ្ញុំចង់បានភាពកក់ក្តៅពីគេម្នាក់នោះ ចង់ឲ្យគេឱបខ្ញុំដូចយប់មុន ក៏ចង់ឱបគេ ដូចបេះដូងរបស់ខ្ញុំបញ្ជាដែរ។ តែអ្វីទាំងនោះ ត្រូវបានរាងកាយខ្ញុំមិនគាំទ្រ ឯមាត់ក៏បដិសេធ ទោះជាចិត្តចង់..ហាហាហា..ចម្លែក…

បានហើយ! គេងហើយ! រាត្រីសួស្តី លី! រាត្រីសួស្តី someone!

ក្មេងតូច